Gylfi Þór Þorsteinsson er landsmönnum kunnugur. Hann er umsjónarmaður sóttvarnahúsa og fundar reglulega með stjórnvöldum, starfsmönnum ráðuneyta, Þórólfi Guðnasyni sóttvarnarlækni og lykilstarfsmönnum Landspítalans um stöðu mála í landinu.
Gylfi er þekktur fyrir að vera einstaklega skemmtilegur maður og eitthvað hefur hann viljað létta andrúmsloftið á fundi með ráðamönnum í morgun þar sem hann mætti grímuklæddur sem Super Mario.
Hann segir ekkert gaman að taka sig of alvarlega og að hann hafi eitthvað misskilið grímuskylduna.