Hin ólíklegustu pör hafa myndast í Hollywood í gegnum árin. Þegar aldursmunur á milli frægra einstaklinga er mikill vekur það athygli. Fólk vinnur oft náið saman og vinasambönd eiga það til að þróast í ástarsambönd.
Ástin spurði ekki um aldur þegar parið Sarah Paulson og Holland Taylor féllu fyrir hvor annarri en það eru 32 ár á milli þeirra. Það kom mörgum á óvart þegar þær tvær opinberuðu samband sitt. Þær gerðu sér grein fyrir því að fólki gæti þótt aldursmunurinn þeirra á milli mikill en það stoppar þær ekki í að fylgja hjartanu.
Sarah Paulson og Holland Taylor – 32 ár
Blake Lively og Ryan Reynolds – 11 ár
Ofurparið Lively og Reynolds kynntust við tökur á kvikmyndinni Green Lantern. Þá hafði Lively nýlokið við tökur Gossip Girl og var 22 ára. Reynolds var 33 ára og giftur leikkonunni Scarlett Johansson. Parið gifti sig í 2012 og eiga saman þrjár dætur þær James, Inez og Betty.
Beyonce og Jay–Z – 12 ár
Tónlistarparið byrjaði að stiga saman nefjum þegar Beyonce var 19 ára og Jay–Z var 31 árs. Þau giftu sig árið 2008 og eiga 3 börn saman; Blue Ivy og tvíburana Sir og Rumi.
Nick Jonas og Priyanka Chopra – 11 ár
Leikonan Priyanka Chopra og Nick Jonas voru búin að vera vinir áður en samband þeirra þróaðist yfir í ástarsamband. Það tók Jonas aðeins tvo mánuði að fara á skeljarnar eftir að samband þeirra hófst. Þau eiga nú saman eina dóttur og hafa aldrei verið hamingjusamari.
Ellen DeGeneres og Portia DiRossi – 15 ár
Spjallþáttastjórnandinn DeGeneres og leikkonan DiRossi voru saman í mörg ár áður en þær giftu sig árið 2008 þegar hjónabönd samkynhneigðra voru leyfð í Kaliforníu í Bandaríkjunum. DeGeneres er 64 ára en DiRossi 49 ára.
Matthew McConaughey og Camila Alves - 13 ár
Módelið Alves kynntist leikaranum McConaughey þegar hún var 23 ára og hann 36 ára. Þau giftu sig árið 2012 og eiga saman þrjú börn.
Alec Baldwin og Hilaria Baldwin - 26 ár
Parið gifti sig árið 2012 og eru foreldrar sex barna. Baldwin var áður giftur leikkonunni Kim Basinger. Hann er 64 ára gamall í dag en frú Baldwin er 38 ára.
Hugh Jackman og Deborra Lee-Furness - 13 ár
Leikarahjónin kynntust við tökur á áströlskum þætti. Jackman lét það ekki stoppa sig að Lee-Furness væri 13 árum eldri en hann. Þau hafa verið gift síðan árið 1996 og eiga saman tvö börn.
George Clooney og Amal Clooney - 17 ár
Það kom mörgum á óvart þegar eilífðar piparsveininn George Clooney bað Amal um að giftast sér. Hún var þá 35 ára og hann 52 ára. Þau eiga saman tvíbura Alexander og Ellu.