Aðventan er að fara vel með fólkið í landinu eins og sést á Instagrammi vikunnar. Leikkonan María Birta og listamaðurinn Elli Egilsson ertu til dæmis komin í óendanlegt jólaskap enda í fyrsta skipti sem þau eru þrjú í fjölskyldunni - ekki bara tvö. Móeiður Lárusdóttir skreytti jólatréð og setti börnin í jólanáttföt á meðan Berglind Ólafsdóttir sótti jólatré út í skóg.
María Birta og Elli Egilsson eru mjög spennt fyrir jólunum en þetta er í fyrsta skipti sem þau halda jól öll þrjú en hjónin eignuðust barn á dögunum.
Hannes Þór Halldórsson brosti hringinn í Hörpu á laugardaginn þegar kvikmyndin Leynilögga var tilnefnd til Evrópsku kvikmyndaverðlaunanna.
Berglind Ólafsdóttir fór og sótti jólatré ásamt eiginmanni sínum og dóttur.
Ásdís Rán Gunnarsdóttir er farin að mála myndir. Hér er hún fyrir framan hvítt verk eftir sig sem hún seldi á dögunum.
Sara Miller æfir af fullum krafti þessa dagana enda fátt betra fyrir heilsuna.
Móeiður Lárusdóttir áhrifavaldur er komin í sérlegt jólaskap en hún og maður hennar, Hörður Björgvin Magnússon, eiga tvær dætur sem eru líka komnar í jólaskap.
Einar Þorsteinsson, forseti borgarstjórnar, og Milla Ósk Magnúsdóttir aðstoðarmaður ráðherra, voru í sínu fínasta pússi á Evrópsku kvikmyndaverðlaununum í Hörpu á laugardagskvöld.
Nadía Sif Líndal fyrirsæta og kærasti hennar Lucien Christofis skelltu sér í Hvammsvík um helgina.
Áhrifavaldurinn Jóhanna Helga Jensdóttir skellti sér í kjól og pels og skálaði í lyftunni.
Söngkonan Guðrún Ýr Eyfjörð birti fallega myndaseríu af sér og syni sínum.
Fótboltamaðurinn Rúrik Gíslason sleikti sólina í Miami í Flórída í Bandaríkjunum áður en hann flaug heim til Íslands og mætti á Evrópsku kvikmyndaverðlaunin.
Leik- og söngkonan, Íris Tanja Flygenring, birti fallegar myndir af sér og unnustu sinni, söngkonunni Elínu Eyþórsdóttur.
Áhrifavaldurinn Sunneva Eir Einarsdóttir geislaði eins jólastjarna um helgina.
Söngkonan Þórunn Antonía Magnúsdóttir lét gervigreindina teikna upp myndir af sér.
Sigga Dögg kynfræðingur og eiginmaður hennar Sævar Eyjólfsson eru í afmælisferð í Marokkó.
Bloggarinn Arna Petra Sverrisdóttir og dóttir hennar voru í miklu jólastuði um helgina þegar þær skreyttu piparkökuhús saman.
Leikkonan Kristín Pétursdóttir skellti sér á Langjökul með vinkonum sínum, en þar nutu þær sín og tóku vetrarlegar myndir í snjónum.
Áhrifavaldurinn Guðrún Veiga Guðmundsdóttir og dóttir hennar virðast ansi spenntar fyrir jólunum, en þær stilltu sér upp í litríkum jólapeysum í stíl.
Ljósmyndarinn og áhrifavaldurinn, Ína María Norðfjörð, skellti sér í sveitina með vinkonum sínum og naut veðurblíðunnar.