Verslunin COS opnar á Íslandi. Ekki er gefið út nákvæmlega hvenær verslunin opnar en hún er í eigu H&M-veldisins. Í fréttatilkynningu kemur fram að verslunin opni í Reykjavík síðar á þessu ári.
Fyrsta COS-verslunin var opnuð 2007 og hefur síðan þá notið mikilla vinsælda hjá fólki sem vill borga aðeins meira fyrir fatnaðinn en í H&M.
Í tískulínum COS er alltaf lögð áhersla á að í línunni séu almennilegar lykilflíkur í bland við endurhannaða klassík með gott notagildi.
Verslunin mun opna á Hafnartorgi – í húsinu við hlið H&M. Rýmið er á tveimur hæðum, um 700 fermetra verslunarrými er kemur fram í tilkynningu frá fasteignafélaginu Reginn.