Raunveruleikaþáttastjarnan og snyrtipinninn Jonathan Van Ness segir að það séu nokkur mistök sem flestir karlar gera þegar kemur að útlitinu. Jonathan er einn af þáttarstjórnendum Queer Eye á Netflix og því vanur að veita körlum aðstoð hvað varðar útlitið.
Hugsa ekki um framtíðina
Jonathan segir að konur séu miklu uppteknari af framtíðinni hvað varðar útlitið og að karlar ættu að vera það líka. Sumar konur eyða miklum tíma í að finna hin fullkomnu dagkrem, rakakrem, næturkrem og augnkrem til að fyrirbyggja hrukkur. Það sé hins vegar lítið um það hjá körlunum. Ef þeir á annað borð nota andlitskrem, þá spá þeir lítið í innihaldsefnunum. Hann segir líka að karlar megi nota sólarvörn oftar.
Þvo hárið of oft
Jonathan segir að það sé algjör óþarfi að þvo hárið á hverjum degi. „Mér finnst að enginn ætti að þvo hár sitt á hverjum einasta degi því það getur tekið raka úr hársverðinum. En ef þú þarft að þvo hárið á hverjum degi, mundu eftir að nota sjampó án súlfata,“ segir Jonathan.
Flýta sér að raka sig
Hann segir það vera háskaleik að flýta sér að raka sig. „Taktu þér tíma til að læra á skeggið þitt, finndu rakara sem þú getur tengst. Finndu út hvaða lögun hentar þér best og lærðu svo að gera það sjálfur,“ segir Jonathan.