Kolbrún Anna Vignisdóttir, förðunarmeistari og áhrifavaldur, hugsar vel um húðina. Hún notar sólarvörn og vill hafa léttan farða yfir sumarið.
Clarins UV Anti-Pollution
„Ég er nýbyrjuð að nota þessa æðislegu nýjung frá Clarins og það verður líklega ekki aftur snúið. UV Anti-Pollution er andlitsvörn sem verndar húðina bæði gegn skaðlegum geislum og umhverfismengun. Hún er ótrúlega þunn og stíflar ekki svo maður finnur ekkert fyrir henni á húðinni, hentar því fullkomlega ein og sér eða undir farða að mínu mati.“
Chanel Les Beiges
Water-Fresh tint
„Þessi farði gefur létta og ljómandi áferð, sem ég elska á sumrin. Hann er unninn úr 70% vatni og fylgir lítill bursti með kaupunum, farðinn bráðnar við húðina samstundis og leyfir freknunum að njóta sín og skína í gegn.“
Gosh Matte Eye Liner
„Þessir æðislegu augnblýantar eru í algjöru uppáhaldi hjá mér. Litirnir sterkir og fallegir og verða geggjaðir við sumardressið. Mér finnst gaman að blanda þeim saman og setja ljósari lit í innri augnkrók og dekkri í ytri, þannig opnast augnsvæðið betur og eye liner-vængurinn lyftir augunum upp.“