Leikkonan Demi Moore nýtur lífsins á snekkju á Miðjarðarhafi um þessar mundir. Moore hefur meðal annars sést á Santorini, en hún siglir nú um við grískar eyjur.
Moore lýsir eyjunum sem paradís og birti nokkrar myndir af sér úr fríinu, þar á meðal nokkrar bikinímyndir, sem sýna að hún er í fantaformi. Bikiníið er frá sundfatamerkinu Andie en hún og dætur hennar þrjár, Rumer, Scout og Tallulah Willis, hafa verið áberandi í markaðsefni fyrir merkið.
Moore hefur fjáfest í Andie og er nú hálfgert andlit merkisins sem einblínir um þessar mundir á styrk kvenna, sjálfsöryggi og tengsl kvenna af ólíkum aldri.