Leikkonan Sarah Jessica Parker á enn öll fötin sem hún klæddist í þáttunum Sex and the City eða Beðmálum í borginni eins og þættirnir heita á íslensku. Mörg klæðanna sem Parker klæddist eru án efa ódauðleg enda flottasta tískan á þeim tíma.
„Ég á allt upprunalega dótið í geymslu. Húsgögn, föt, allt, ég pakkaði öllu niður eftir þáttaseríu og þáttum og atriðum. Ég geymdi bókstaflega allt,“ sagði Parker í viðtali við Vogue, en hún prýðir nú forsíðu tímaritsins.
Parker fór með hlutverk Carrie Bradshaw en nýir Sex and the City-þættir eru væntanlegir í desember og bera titilinn And Just Like That ...
Á meðal þess sem Parker geymdi eru til dæmis frægu Manolo Blahnik-skórir og Dolce & Gabbana-nærbuxur. Parker sýndi Vogue í geymsluna.