Erfitt kvöld fyrir okkur
Setja bókamerki
„Þetta var ekki góð frammistaða af okkar hálfu og það gekk allt upp hjá Völsurum í dag,“ sagði Ágúst Gylfason, þjálfari Stjörnunnar, í samtali við mbl.is eftir 1:6-tap liðsins fyrir Val í Bestu deild karla í fótbolta.
„Valsmenn voru sterkir en við vorum gjafmildir í okkar leik. Þeir gengu á lagið og þetta var erfitt kvöld fyrir okkur,“ bætti hann við.
Stjörnumenn komust yfir í fyrri hálfleik en réðu svo lítið við Valsmenn í seinni hluta fyrri hálfleiks og fyrri hluta seinni hálfleiks.
„Við komum af ágætum krafti í leikinn. Við brennum af víti en skorum svo mark úr hornspyrnu. Eftir það vorum við inn í leiknum en Valsmenn gengu á lagið og nýttu sín upphlaup vel. Þeir refsuðu okkur grimmilega.“
Ágúst gerði tvær breytingar á sínu liði fyrir seinni hálfleikinn en þær gengu ekki upp og Ágúst viðurkenndi það. „Við vildum gera sóknarbreytingar og taktískar breytingar en þær gengu ekki. Við tökum það á okkur,“ sagði Ágúst.
Hvorki sést áður hér á landi né annars staðar
Skiptir miklu meira máli en fólk grunar
Kaldasti veturinn kom að óvörum
Shakespeare fannst í skókassa
Væri að ljúga ef ég segðist ekki stressaður
„Umsátursástand“