Nadía Atladóttir, fyrrverandi fyrirliði ríkjandi bikarmeistara Víkings úr Reykjavík í knattspyrnu, er gengin til liðs við Íslandsmeistara Vals.
Tilkynnt var um skiptin rétt í þessu fyrir leik karlaliðs Vals og ÍA í fyrstu umferð Bestu deildarinnar sem hefst klukkan 19.15.
Þar gekk Nadía inn á völlinn í Valstreyju en ekki kom fram hversu langan samning hún skrifaði undir.
Nadía og Víkingur komust óvænt að samkomulagi í vikunni um að rifta samningi hennar og er mikið ósætti meðal stuðningsmanna Víkings með riftunina.