Patrekur Jóhannesson og lærisveinar hans í austurríska landsliðinu í handknattleik máttu sætta sig við nauman ósigur gegn Hvíta-Rússlandi, 27:26, í fyrsta leiknum í B-riðli Evrópumóts karla sem var að ljúka í Porec í Króatíu.
Liðin eru í riðli með Frakklandi og Noregi sem mætast í kvöld klukkan 19.30. Fyrir fram var litið á þessa viðureign sem nokkurs konar úrslitaleik um hvort liðanna myndi fylgja Frökkum og Norðmönnum áfram í milliriðil.
Vladizlav Kulesh skoraði 7 mörk fyrir Hvít-Rússa og Barys Pukhouski 5. Mykola Bilyk skoraði 8 mörk fyrir Austurríki og Janko Bozovic 5.