Leikmaður Liverpool dregur sig úr hópnum

Framherjinn Darwin Núnez verður ekki með úrúgvæska landsliðinu í tveimur vináttuleikjum sem fram undan eru vegna meiðsla sem hann varð fyrir í tapi Liverpool gegn Manchester United, 4:3, í átta liða úrslitum enska bikarsins í fótbolta í gærkvöldi.

Frétt af mbl.is

Þrír meiddust í ósigri Liverpool

Núnez fann til aftan í læri eftir leikinn og er ekki klár í slaginn fyrir vináttuleiki Úrúgvæ gegn úrvalsliði Baskalands og Fílabeinsströndinni.  

Sóknarmaðurinn lék allar 120 mínúturnar á Old Trafford í gær, en hann hefur mikið glímt við meiðsli í læri á tímabilinu.

Núnez hefur skorað 17 mörk í öllum keppnum með Liverpool á leiktíðinni og lagt upp 12 til viðbótar.

• Blogga um frétt