Mikel Arteta, knattspyrnustjóri Arsenal, var léttur í lundi á blaðamannafundi fyrir leik liðsins gegn Bayern München í 8-liða úrslitum Meistaradeildarinnar í Lundúnum annað kvöld.
Fyrri leikur liðanna fer fram í Lundúnum á morgun en sá síðari fer fram í München þann 16. apríl.
Bayern er í miklu veseni heima fyrir en liðið er í öðru sæti með 16 stigum minna en topplið Bayer Leverkusen.
Spurður hvort hann hafi rætt við Xabi Alonso, stjóra Leverkusen, fyrir leikinn sagði Arteta einfaldlega:
„Frábær spurning en ég ætla ekki að svara henni.“
Arteta og Alonso ólust saman upp hjá Real Sociedad í San Sebastian á Spáni og eru góðir félagar.