Þriðja tímabil íslensku F1 Esports deildarinnar hófst fyrr í vetur og nú hafa 5 keppnir verið keyrðar af 15. Þetta tímabil er fyrsta tímabil F1 Esports deildarinnar undir Rafíþróttasamtökum Íslands og hefur aldrei verið stærra.
F1 Esports á Íslandi deildi myndbandi eftir fyrstu keppnirnar þar sem hápunktarnir eru sýndir.
Staðan á toppnum er nokkuð jöfn en 5 bílaframleiðendur eru í harðri keppni um efsta sætið.
Efstur í deildinni er spilarinn „fusupreme“ en hann hefur verið í harðri baráttu við Grím sem er tvöfaldur meistari í F1 Esports. Fusupreme er með 169 stig og eftir honum kemur „Z4RK3Y“ með 112 stig.
Næsta keppni verður fimmtudaginn 5. janúar þegar keppt verður á brautinni í Jeddah, hraðasta braut tímabilsins.