Lewis Hamilton var rétt í þessu að vinna ráspól bandaríska kappakstursins í Austin í Texas. Hefur hann verið ósnertanlegur alla helgina og ekið hraðast á þremur æfingum og nú tímatökunni.

Sebastian Vettel á Ferrari lyfti sér úr fjórða sæti í það annað í allra síðustu tímatilraun sinni. Á sama tíma féll Kimi Räikkönen á Ferrari úr þriðja sæti í það fimmta.

Valtteri Bottas á Mercedes hefur keppni á þriðja rásstað, Daniel Ricciardo á Red Bull á fjórða og Räikkönen á fimmta. Max Verstappen á Red Bull endaði í sjötta sæti en hann færist á 18. rásstað á morgun af völdum 15 sæta afturfærslu vegna mótorskipta. 

Esteban Ocon á Force India, Carlos Sainz á Renault, Fernando Alonso á McLaren og Sergio Pererz á Force India urðu í sjöunda til tíunda sæti. 

Tengdar fréttir

Formúla-1/Keppnin um ráspólinn

Verstappen vann sprettinn

• Verstappen tók franska pólinn
• Leclerc aftur á ráspól
• Klessti sig á ráspólinn
• Bottas naumlega á ráspól

» Fleiri tengdar fréttir

• Blogga um frétt