Murtaza Ahmadi, afganski strákurinn sem komst í heimsfréttirnar í byrjun árs þegar hann klæddist heimagerðri treyju með númeri Lionel Messi, hitti hetju sína í Doha í Katar í dag en Börsungar mæta AL Ahli í vináttuleik í dag.
Ahmadi, sem er sex ára gamall, dreymdi um að hitta Messi og honum hefur nú orðið að ósk sinni en eins og frægt er klæddist strákurinn röndóttum plastpoka sem búið var að skrifa Messi og númerið 10 aftan á. Fjölskylda hans hafði ekki efni á kaupa handa honum treyju. Myndin náði til Messi, sem vildi auðvitað leggja sitt af mörkum og gefa Murtaza treyju og Messi lét hafa eftir sér skömmu síðar að hann vildi hitta Ahmadi í eigin persónu.
أخيراً مرتضى يلتقي بميسي! اللجنة العليا ساعدت الطفل الأفغاني على تحقيق حلمه في #قطر. #الاهلي_برشلونة pic.twitter.com/LFHau5wWMj
— Road to 2022 (@roadto2022) December 13, 2016