Landsliðsmarkvörðurinn Hannes Þór Halldórsson fær ekki að láta ljós sitt skína á Emirates-leikvanginum í Lundúnum í kvöld þegar Arsenal tekur á móti Qarabag í lokaumferð riðlakeppni Evrópudeildarinnar.
Hannes Þór er ekki í leikmannahópi Qarabag í kvöld en þrír markverðir liðsins hafa skipt nokkurn veginn með sér leikjunum hjá Qarabag á leiktíðinni.
Arsenal er þegar búið að vinna riðilinn. Liðið er með 13 stig eftir fimm leiki en Qarabag er í botnsætinu með 3 stig.