Ítalir urðu í kvöld fyrsta liðið til að tryggja sér sæti í sextán liða úrslitum Evrópumóts karla í fótbolta þegar þeir sigruðu Svisslendinga örugglega, 3:0, í annarri umferð riðlakeppninnar í Róm.
Þeir hafa þar með unnið báða sína leiki með þessari markatölu, hafa skorað sex mörk gegn engu og virðast til alls líklegir á þessu Evrópumóti.
Ítalir eru með 6 stig, Walesbúar 4, Svisslendingar eitt og Tyrkir ekkert.
Manuel Locatelli skoraði fyrsta markið á 26. mínútu. Hann bætti öðru við á 52. mínútu og það var síðan Ciro Immobile sem innsiglaði sigurinn með marki á 89. mínútu.