Leverkusen í sögubækurnar – Bayern missti annað sætið
Setja bókamerki
Draumatímabili Bayer Leverkusen í þýsku 1. deildinni í knattspyrnu er lokið en liðið vann 28 leiki, gerði sex jafntefli og fór taplaust í gegnum tímabilið.
Liðið vann síðasta leik sinn, 2:1 gegn Augsburg í dag en liðið hafði þegar tryggt sér titilinn. Þrátt fyrir að tapa ekki einum leik setti liðið ekki stigamet en það á Bayern München sem safnaði 91 stigi árið 2012/13.
Leverkusen hefur þegar slegið 59 ára gamalt Evrópumet Benfica yfir flesta leiki án ósigurs í öllum keppnum en gamla metið var 48 leikir.
Liðið er aðeins tveimur úrslitaleikjum frá taplausri þrennu en liðið á eftir úrslitaleik Evrópudeildarinnar gegn Atalanta og bikarúrslitaleik gegn Kaiserslautern.
Bayern endaði á tapi
Bayern München tapaði síðasta leik liðsins í deildinni, 4:2 gegn Hoffenheim og missti þar með annað sætið en það tók VfB Stuttgart.
Marco Reus skoraði hans hundraðasta mark á heimavelli fyrir Dortmund í síðasta heimaleik hans fyrir félagið og liðið vann 4:0 sigur á Darmstadt.
Bo Henriksen, sem spilaði um tíma með Fram, Val og ÍBV á Íslandi, núverandi knattspyrnustjóri Mainz bjargaði liðinu frá falli með 3:1 sigri á Wolfsburg.
„Ég bara hreinlega sagt man það ekki“
„Sérstök upplifun að kjósa sjálfan sig“
Stakk mann eftir kossaflens og fær fimm ára dóm
„Skoðanakannanirnar eru ekkert alveg með þetta“
/frimg/1/49/61/1496139.jpg)
„Þetta er sannkölluð lýðræðisveisla“
Selenskí þakkar Norðurlöndum fyrir stuðninginn
Of mikið af veganmat og hurð í andlitið