Guðlaug Baldvinsdóttir er orðin varaformaður Frjálsíþróttasambands Íslands en hún var áður gjaldkeri sambandsins.
Frá þessu er greint á heimasíðu sambandsins og þar kemur fram að þetta hafi orðið niðurstaðan á síðasta stjórnarfundi.
Ólympíufarinn Kári Steinn Karlsson tekur að sér gjaldkerastöðuna. Einnig eru í stjórn þau Freyr Ólafsson formaður, Gunnar Svavarsson ritari og Aðalbjörg Hafsteinsdóttir meðstjórnandi.
Varastjórnina skipa Björgvin Víkingsson, Eiríkur Mörk Valsson, Fjóla Signý Hannesdóttir, Kristín Birna Ólafsdóttir-Johnson og Björg Ágústsdóttir.