Gamla ljósmyndin: Afreksmaður í ólíkum greinum
Setja bókamerki
Íþróttadeild Morgunblaðsins og mbl.is heldur áfram að gramsa í myndasafni Morgunblaðsins og birta á mbl.is á laugardögum.
Íþróttasagan á Íslandi geymir ýmis dæmi um fólk sem náð hefur árangri í tveimur íþróttagreinum og jafnvel fleirum. Stundum eru dæmi um að fólk hafi þá náð árangri í tveimur boltagreinum sem dæmi.
Hafsteinn Ægir Geirsson hefur skarað fram úr í tveimur íþróttagreinum hérlendis en ekki verður annað sagt en að þar sé um ólíkar greinar að ræða.
Hafsteinn er ólympíufari og keppti fyrir Íslands hönd í siglingum bæði á Ólympíuleikunum í Sydney árið 2000 og aftur í Aþenu árið 2004. Hafsteinn var einungis tvítugur þegar hann keppti í Sydney. Þar var hann í 42. sæti þegar hann þurfti að hætta keppni vegna bilunar. Hafseinn keppti á Laser kænu og hafnaði í 40. sæti í Aþenu.
Á meðfylgjandi mynd er Hafsteinn Ægir í keppninni á leikunum í Aþenu en myndina tók Kjartan Þorbjörnsson eða Golli sem myndaði leikana fyrir Morgunblaðið og mbl.is.
Eftir að hafa keppt á tvennum Ólympíuleikum snéri Hafsteinn sér meira að hjólreiðum og þar lét árangurinn ekki á sér standa. Hafsteinn hefur sjö sinnum orðið Íslandsmeistari í götuhjólreiðum, fyrst árið 2005 og síðast árið 2020.
Auk þess hefur hann einu sinni orðið Íslandsmeistari í tímatöku sem og í ólympískum fjallahjólreiðum. Við þetta má bæta að hann hefur margoft sigrað í Bláa Lóns þrautinni í fjallahjólreiðum.
„Mjög ánægður með útkomuna“
Umdeild einkennismerki lögreglunnar
„Finn fyrir miklum meðbyr“
Óásættanlegt hversu langan tíma viðræður hafa tekið
Verðskulda allir frambjóðendur jafna athygli?
Hvað verður um plastið?
Hægist á eftir mikinn uppgang
/frimg/1/48/83/1488353.jpg)
Hugsaði fyrst um einmanaleika og innilokun