Lögmaður konunnar sem kærði knattspyrnumanninn Albert Guðmundsson fyrir kynferðisbrot segir það hafa komið á óvart að málið hafi verið fellt niður. Telur hún rétt að skoða hvort niðurstaðan verði borin undir ríkissaksóknara.

„Eins og gefur að skilja hefur þetta mál verið erfitt fyrir minn umbjóðanda. Ekki aðeins framganga mannsins heldur var ekki léttvæg ákvörðun að kæra mann fyrir kynferðisbrot sem hefur tengst fjölskyldu hennar vinaböndum frá því hún var barn,“ segir í yfirlýsingu frá Evu B. Helgadóttur hæstaréttarlögmanni.

Hún segir umbjóðanda sinn hafa talið réttast að vísa ábyrgðinni þangað sem hún ætti heima og látið málið fara hina lögformlegu leið.

„Hún hefur ekki sóst eftir neinu öðru en réttlæti og taldi sér siðferðilega skylt að koma málinu í þann farveg.“

Frétt af mbl.is

Mál Alberts fellt niður

Einbeitir sér að vinna úr áfallinu

Eva segir að konan sé ung og efnileg en hafi orðið fyrir framgöngu sem hún eigi eftir að eyða ævinni í að vinna úr. Albert verði að lifa með eigin framgöngu og hvernig hann hafi kosið að taka ábyrgð á henni.

Réttarkerfið í svona málum sé hannað í kringum réttindi sakborninga en ekki þolendur. Áhrifin séu þau að fórnarlömb kynferðisofbeldis veigra sér frekar við því að leggja fram kæru.

„Í ljósi alvarleika málsins er rétt að skoða hvort niðurstaðan verði borin undir ríkissaksóknara. Hvað sem líður niðurstöðu lögfræðinga um líkur á sakfellingu í sakamáli mun umbjóðandi minn einbeita sér að því að vinna úr áfallinu, sinna sínu námi og huga að framtíðinni,“ segir í yfirlýsingunni.

Tengdar fréttir

Albert grunaður um brot

Lágmarksrefsing er eins árs fangelsi

• Telur mál Alberts líklega enda með sakfellingu
• Albert sagður munu verða ákærður fyrir kynferðisbrot
• Umdeild túlkun kemur í veg fyrir val á Alberti
• Reglur KSÍ um meint brot leikmanna í endurskoðun

» Fleiri tengdar fréttir

• Blogga um frétt