Kylfingurinn Birgir Leifur Hafþórsson hefur í morgun lokið leik á þremur brautum af átján á öðrum hring Opna spænska meistaramótsins í golfi. Það sem er af er hefur hann leikið á einu höggi undir pari.
Birgir Leifur hóf leik á 10. braut og lék hana á pari. Því næst fékk hann fugl á 11. og lék síðan þá tólftu á pari.
Birgir Leifur lék vel framan af á fyrstu degi mótsins í gær og var á pari eftir níu holur. Á þeim níu síðari féll honum allur ketill í eld og var á fimm höggum yfir pari. Það er því á brattann að sækja hjá Birgir Leifi í dag en fækkað verður í hópi keppenda eftir daginn í dag.
Mótið fer fram í Madríd.