Atvinnukylfingurinn Ólafía Þórunn Kristinsdóttir lauk í dag keppni á Marathon Classic-mótinu í Ohio en mótið er hluti af LPGA-mótaröðinni, þeirri sterkustu í heimi.
Ólafía Þórunn lék lokahringinn í dag á 71 höggi eða á pari vallarins og lauk keppni á fimm höggum yfir pari. Hún er sem stendur í 76. sæti en margir kylfingar eiga eftir að ljúka leik.
Ólafía fékk fjóra fugla og fjóra skolla á lokahringnum en hún komst í gegnum niðurskurðinn á mótinu í fyrsta sinn á mótaröðinni á þessu tímabili.