Handboltamaðurinn Elvar Ásgeirsson, leikmaður Aftureldingar, mun æfa með þýska liðinu Stuttgart á næstu dögum samkvæmt heimildum Vísis.
Elvar hefur leikið mjög vel með Aftureldingu á tímabilinu til þessa og skorað 40 mörk í fyrstu sjö leikjunum í Olísdeildinni. Hann er 24 ára og hefur leikið með Aftureldingu allan ferilinn.
Stuttgart er í tíunda sæti efstu deildar Þýskalands með níu stig eftir ellefu leiki.