Glæsileg endurkoma KA/Þórs í Evrópubikarnum
Setja bókamerki
KA/Þór og Gorche Petrov frá Norður-Makedóníu skildu jöfn, 20:20, í fyrri leik liðanna í 2. umferð Evrópubikars kvenna í handbolta í kvöld. Báðir leikir einvígisins verða spilaðir í KA-heimilinu.
Því er allt hnífjafnt fyrir seinni leikinn sem fer fram annað kvöld, en leikurinn í kvöld var útileikur KA/Þórs og verður seinni leikurinn heimaleikur norðankvenna.
Gorche Petrov byrjaði betur og var með 11:7-forskot í hálfleik. Þrátt fyrir að vera með ungt og óreynt lið neitaði KA/Þór að gefast upp og með glæsilegum seinni hálfleik tókst liðinu að jafna.
Lydía Gunnþórsdóttir skoraði jöfnunarmark KA/Þórs þegar um 30 sekúndur voru eftir en hún var næstmarkahæst í liðnu með fjögur mörk, eins og Unnur Ómarsdóttir. Hildur Lilja Jónsdóttir skoraði fimm mörk og Matea Lonac varði 18 skot í marki KA/Þórs, þar af tvö víti.
Mörk KA/Þórs: Hildur Lilja Jónsdóttir 5, Unnur Ómarsdóttir 4, Lydía Gunnþórsdóttir 4, Kristín Aðalheiður Jóhannsdóttir 3, Nathália Baliana 3, Telma Lísa Elmarsdóttir 1.
Varin skot: Matea Lonac 18.
Frambjóðendur skila inn listum í Hörpu
Banna mengandi búnað sem leyfður er á Íslandi
Skaut sex sinnum að feðginum á aðfangadagskvöld
Væri að ljúga ef ég segðist ekki stressaður
Kaldasti veturinn kom að óvörum
„Höfum ekki náð að skríða upp úr þeirri gryfju“