Það sem upphaflega átti að vera aukabúgrein hjá hjónunum Knúti Rafni Ármann og Helenu Hermundardóttur í Friðheimum í Reykholti hefur vaxið mikið á tólf árum. Í fyrra var rekstur veitingahússins í gróðurhúsinu þrefalt stærri innan fyrirtækisins en tómataræktunin. 

Friðheimar eru eitt af Framúrskarandi fyrirtækjum Creditinfo og í myndskeiðinu er rætt stuttlega við Knút um reksturinn og hvað það er sem gerir Friðheima framúrskarandi.

Líkt og í fyrra eru mbl.is og Creditinfo í samstarfi um að heimsækja nokkur þeirra fyrirtækja sem skara fram úr í íslensku viðskiptalífi. Fleiri heimsóknir munu birtast hér á mbl.is á næstunni en nú þegar hafa heimsóknir í Stoð, Garðheima, Vörð og Völku verið birtar.