Hlutabréf í Icelandair hækkuðu um 2,40% í 471 milljóna króna viðskiptum í Kauphöllinni í dag eftir að hafa fallið um rétt tæp 25 prósent á mánudaginn vegna slæmrar afkomuviðvörunar. Var gengi hlutabréfa félagsins 9,80 í lok dags og hækkaði félagið mest allra í dag.
Alls var veltan í Kauphöllinni í dag 723 milljónir króna og hækkaði OMXI8-úrvalsvísitalan um 0,60 prósent í viðskiptum dagsins.