Fjárþörfin mikil næsta árið

Vinna við áreiðanleikakönnum í tengslum við fyrirhuguð kaup Icelandair Group ...
Vinna við áreiðanleikakönnum í tengslum við fyrirhuguð kaup Icelandair Group á WOW air gaf til kynna að sjóðstreymi WOW air yrði neikvætt allt næsta ár samkvæmt heimildum ViðskiptaMoggans. mbl.is/Eggert

Vinna við áreiðanleikakönnun sem gerð var í tengslum við fyrirhuguð kaup Icelandair Group á WOW air, sem runnu út í sandinn fyrir viku síðan, leiddi í ljós að fjárþörf fyrirtækisins á komandi misserum er mjög mikil. Þannig mátu sérfræðingar stöðuna að félagið þyrfti að öllu óbreyttu á 15 milljarða króna innspýtingu á þessu ári og hinu næsta til þess að halda sjó. Mun sú mikla fjárþörf hafa átt stóran þátt í því að ekkert varð af kaupunum.

ViðskiptaMogginn bar fyrrnefnda upphæð undir Skúla Mogensen, eiganda og forstjóra WOW Air. Hann sagði töluna „fjarri lagi,“ en fór ekki nánar út í að skýra hver fjárþörfin væri.

Samkvæmt þeim sviðsmyndum sem teiknaðar voru upp í samrunaferlinu sem rann út í sandinn var gert ráð fyrir því að sjóðstreymi WOW air yrði neikvætt allt næsta ár. Þetta herma heimildir ViðskiptaMoggans. Þegar lagt var af stað í viðræður um þau var fyrst gert ráð fyrir að það yrði jákvætt í júní næstkomandi.

Sjá fréttina í heild sinni í ViðskiptaMogganum í dag.

Gagnaveitur

Erlendar viðskiptafréttir