Jóhanna Helga Viðarsdóttir tekur við af Ingibjörgu Pálmadóttur sem framkvæmdastjóri Torgs ehf., útgáfufélags Fréttablaðsins. Ingibjörg, sem er annar eigandi blaðsins, er nú stjórnarformaður Torgs.
Með Ingibjörgu í stjórn er Helgi Magnússon, sem fyrr í sumar keypti helmingshlut í útgáfufélagi Fréttablaðsins.
Greint er frá breytingunum á vef Fréttablaðsins.
Þar kemur fram að Kristín Björg Árnadóttir sé fjármálastjóri Torgs og Gústaf Bjarnason auglýsingastjóri.
Torg ehf. rekur Fréttablaðið, frettabladid.is, markadurinn.is, tímaritið Glamour og tengda starfsemi.