Hlutabréf Icelandair rjúka upp eftir uppgjörið

Hlutabréf Icelandair hafa hækkað um tæplega 9% í 44 milljóna viðskiptum nú í morgun. Stendur gengi bréfanna í 7,26 krónum á hlut og hefur hækkað úr 6,67 krónum á hlut við upphaf viðskipta.

Í gær var afkoma félagsins á þriðja ársfjórðungi kynnt, en þar kom fram að hagnaður félagsins á ársfjórðungnum væri 7,5 milljarðar og gert væri ráð fyrir að afkoma næsta ársfjórðungs yrði betri en í fyrra. Þá hefur einnig spá félagsins um heildarafkomu ársins lagast talsvert frá því sem áður var spáð.

Frétt af mbl.is

Hagnaður Icelandair 7,5 milljarðar

Í morgun fór svo fram uppgjörsfundur félagsins og kom þar meðal annars fram að félagið vænti frekari bóta frá Boeing vegna kyrrsetningar Boeing 737 MAX-8 véla félagsins.

Frétt af mbl.is

Icelandair væntir frekari bóta frá Boeing

• Blogga um frétt