Kristín Friðgeirsdóttir hefur verið ráðin sem fjármálastjóri Sýnar hf.
Kristín hefur undanfarin ár starfað sem alþjóðlegur ráðgjafi í tekjustýringu, gagnagreiningu og stefnumarkandi ákvarðanatöku er kemur fram í tilkynningu til Kauphallarinnar. Hún hefur einnig kennt MBA og stjórnendanámskeið í London Business School.
Kristín tekur við af Signýju Magnúsdóttur sem snýr aftur til Deloitte og bætist í hóp hluthafa þess félags.
„Kristín hefur setið í stjórnum Kviku banka, Eikar, Controlant, Distica og Völku og var áður varaformaður TM og stjórnarformaður Haga. Kristín er með meistaragráðu í fjármálaverkfræði og doktorsgráðu í rekstrarverkfræði frá Stanford-háskóla,“ segir í tilkynningu.