Nýtt nafn á rætur að rekja til tilgátu um heimsálfu

Icelandia er nýtt regnhlífarheiti utan um starfsemi Kynnisferða, Icelandic Mountain Guides, Iceland Rovers, Dive.is og starfsemi Flybus.

Nafnið, sem á rætur að rekja til tilgátu um að undir Íslandi væri falin heimsálfa, staðsetur fyrirtækið sem miðpunkt ferðalausna á Íslandi gagnvart erlendum ferðamönnum, segir í tilkynningu Icelandia. 

Frétt af mbl.is

Sameina fjölda ferðaþjónustufyrirtækja

„Icelandia er einnig umboðsaðili Enterprise Rent-a-car bílaleigunnar, er undirverktaki Strætó bs. í akstri á höfuðborgarsvæðinu og rekur dráttarbílafyrirtæki undir nafninu Garðaklettur ehf.  Auk þess er Icelandia hluthafi í nokkrum öðrum ferðaþjónustufyrirtækjum, eins og Fontana á Laugarvatni, Íslenskum heilsulindum og Raufarhólshelli.“

Félögin veita ferðamönnum ýmiss konar þjónustu sem spannar allt frá rútuferðum til sérsniðinna ævintýraferða.

„Nýtt og sameinað fyrirtæki undir nafninu Icelandia er til marks um vilja okkar til að standast ekki bara væntingar, heldur verða þekkt sem helsta gáttin að Íslandi,“ er haft eftir Birni Ragnarssyni, framkvæmdastjóra Icelandia, í tilkynningunni.

• Blogga um frétt