Icelandair og Air Greenland hafa skrifað undir viljayfirlýsingu um aukið samstarf.
Tilkynnt var um samstarfið á Vestnorden-ferðaráðstefnunni í kvöld, en það mun ganga út á að tengja leiðakerfi félaganna tveggja, en það er umfangsmikið leiðakerfi Air Greenland á Grænlandi og alþjóðlegt leiðakerfi Icelandair til Evrópu og Norður-Ameríku.
Þá segir í tilkynningu að samstarfið muni nýtast viðskiptavinum beggja félaga og fjölga tengingum á mörkuðum þeirra til, frá, um og innan Grænlands og Íslands.
Einnig kemur fram að Icelandair hafi flutt hluta Grænlandsflugs síns frá Reykjavíkurflugvelli til Keflavíkur og þannig verður hægt að bjóða upp á tengiflug frá áfangastöðum Air Greenland á Grænlandi til áfangastaða Icelandair í Evrópu og Norður-Ameríku.