Vill nefndarfund um veiðigjöld

Við höfnina í Bolungarvík.
Við höfnina í Bolungarvík. mbl.is/Sigurður Bogi Sævarsson

Halla Signý Kristjánsdóttir, þingmaður Framsóknarflokksins, hefur óskað eftir því að boðað verði til sérstaks fundar í atvinnuveganefnd Alþingis um stöðu minni útgerða og áhrif hækkunar veiðigjalda á rekstrarstöðu þeirra. Þetta kemur fram í bréfi sem Halla Signý hefur sent til formanns og varaformanns nefndarinnar en þar segir:

„Forsagan er sú að veiðigjöldin margfölduðust á sl. ári og nú þegar hafa einhver útgerðarfyrirtæki gefist upp og nokkur eru að hugsa sér til hreyfings. Sú reikniregla sem viðgengst kemur illa niður í því árferði sem núna er hjá bolfiskfyrirtækjum. Reiknireglan miðast við afkomu sjávarútvegsfyrirtækja fyrir tveimur árum og veiðigjöld þessa fiskveiðiárs er því tengd afkomu greinarinnar árið 2015 sem var verulega betri en afkoma sl. árs. Því veldur styrking krónunnar og lækkun á hráefnisverði.

Halla Signý segir að leita þurfi skýringa á því hvað valdi því að hlutur bolfiskgeirans í veiðigjöldum sé miklu hærri en hlutur uppsjávargeirans. Núverandi skipting sé þannig sú að uppsjávargeirinn greiði 17% en bolfisksgeirinn 83%. Lítil og meðalstór fyrirtæki í bolfisksgeiranum eigi mörg hver í verulegum erfiðleikum og ekki er útséð hve mörgum takist að klára árið.

„Þarna erum við ekki einungis að tala um að einstökum byggðalögum blæði, heldur fjórðungum. Þar eru einungis lítil og meðalstór sjávarútvegsfyrirtæki. Ennþá er það svo að sjávarútvegurinn er aðalatvinnuvegur fjórðungsins. Það er því mikið í húfi. Okkur tekst ekki á skömmum tíma að byggja upp eða styrkja aðrar atvinnugreinar til að mæta þeim skelli sem gæti orðið ef þessi stoð væri skorin niður. Samþjöppun fyrirtækja? Viljum við að eitt stórt fyrirtæki sem hefur enga tengingu við samfélagið reki allan sjávarútveg?“

Fyrir vikið sé einnig að um byggðamál að ræða á stóru svæði „Litróf sjávarútvegsfyrirtækja í landinu má ekki verða einsleitt. Það er öllum byggðarlögum hollt að rekin séu sterk og fjölbreytt fyrirtæki sem fylgja hjarta samfélagsins.“ Halla Signý vill að á fundinn verði boðaðir fulltrúar sjávarútvegsráðuneytisins, landshlutasamtaka sveitarfélaga á landsbyggðinni, landssamtök smábátasjómanna, fulltrúar minni sjávarútvegsfyrirtækja víðsvegar af landinu og aðrir hlutaðeigandi.

Halla Signý Kristjánsdóttir þingmaður Framsóknarflokksins.
Halla Signý Kristjánsdóttir þingmaður Framsóknarflokksins. mbl.is/Sigurður Bogi
mbl.is
Afurð Dags. Meðalverð
Þorskur, óslægður 14.12.18 264,43 kr/kg
Þorskur, slægður 14.12.18 336,44 kr/kg
Ýsa, óslægð 14.12.18 229,02 kr/kg
Ýsa, slægð 14.12.18 223,03 kr/kg
Ufsi, óslægður 14.12.18 71,97 kr/kg
Ufsi, slægður 14.12.18 95,86 kr/kg
Djúpkarfi 6.12.18 307,00 kr/kg
Gullkarfi 14.12.18 281,38 kr/kg
Litli karfi 24.10.18 17,00 kr/kg
Blálanga, óslægð 14.12.18 257,33 kr/kg

Fleiri tegundir »

16.12.18 Elva Björg SI-084 Handfæri
Þorskur 143 kg
Samtals 143 kg
16.12.18 Lukka ÓF-057 Landbeitt lína
Ýsa 4.086 kg
Þorskur 1.975 kg
Samtals 6.061 kg
16.12.18 Eiður ÍS-126 Dragnót
Ýsa 6.872 kg
Þorskur 242 kg
Skarkoli 15 kg
Samtals 7.129 kg
15.12.18 Hafrún Ís54 ÍS-054 Lína
Þorskur 1.644 kg
Ýsa 412 kg
Samtals 2.056 kg
15.12.18 Jónína Brynja ÍS-055 Lína
Ýsa 261 kg
Langa 209 kg
Þorskur 149 kg
Ufsi 45 kg
Hlýri 16 kg
Steinbítur 16 kg
Karfi / Gullkarfi 9 kg
Keila 2 kg
Samtals 707 kg

Skoða allar landanir »