Stærsta veiðiferðin á Íslandsmiðum

Stærsta túr frystitogarans Blængs NK á Íslandsmiðum er nú lokið eftir 40 daga veiðiferð, en afli togarans var 900 tonn upp úr sjó, að verðmæti 225 milljóna króna. Blængur kom til hafnar í Neskaupstað í gær og var uppistaða aflans ufsi og karfi, en togarinn millilandaði á Akureyri 27. september.

Theodór Haraldsson var skipstjóri fyrstu tíu daga veiðiferðarinnar og síðan tók Bjarni Ólafur Hjálmarsson við, en að hans sögn var jöfn og góð veiði allan tímann

Að löndun lokinni mun Blængur halda til Akureyrar þar sem skipið fer í slipp. Áformað er að gera nokkrar breytingar á millidekki skipsins en einnig verður skipt um togspil. Gert er ráð fyrir að skipið verði í slipp í fjórar vikur, að því er fram kemur á vef Síldarvinnslunnar.

• Blogga um frétt