Ráðherra fylgir Hafró í öllu

Kristján Þór Júlíusson sjávarútvegsráðherra hefur gefið út reglugerð um leyfilegan heildarafla í íslenskri fiskveiðilögsögu næsta fiskveiðiár. Er þar í öllu fylgt ráðgjöf Hafrannsóknastofnunar.

Í ráðgjöf Hafrannsóknastofnunar kemur fram að staða þorskstofnsins sé sterk og verða aflaheimildir þorsks því auknar um 3% í 272.411 tonn. Aflamark ýsu er hins vegar dregið saman um 28% í tæp 41.000 tonn og skýrist það af því að spár um vöxt 2014-árgangsins gengu ekki eftir, auk breyttrar aflareglu þar sem veiðihlutfall er lækkað úr 0,40 í 0,35. Aflamark ufsa er aukið um 2%, en veiðiheimildir fyrir gullkarfa, grálúðu og síld lækka.

Frétt af mbl.is

Lækka aflamark ýsu um 28%

Haft er eftir ráðherra í fréttatilkynningu frá ráðuneytinu að það sé ein meginstoða íslensks fiskveiðistjórnunarkerfis að byggja ákvörðun um leyfilegan heildarafla á grunni vísindalegrar ráðgjafar.

„Árangur þeirrar stefnu er ótvíræður líkt og birtist meðal annars í því að hrygningarstofn þorsks hefur stækkað á undanförnum árum og hefur ekki verið stærri í tæp 60 ár. Hins vegar blasir við okkur í ráðgjöf Hafrannsóknastofnunar að það er nýliðunarbrestur í nokkrum tegundum en það er atriði sem þarf að bregðast við með frekari rannsóknum.“

Aflamark tegunda fyrir næsta fiskveiðiár:

• Blogga um frétt