19% samdráttur á milli ára

Afli íslenskra fiskiskipa í október var 91,7 þúsund tonn, sem er 19% minni afli en í sama mánuði árið 2018. Botnfiskafli var tæp 39 þúsund tonn og dróst saman um 16%, þar af var þorskafli um 24 þúsund tonn. Uppsjávarafli var rúm 50 þúsund tonn, sem er 22% minni afli en í október 2018. Meginuppistaðan var síld, eða tæp 49 þúsund tonn. Flatfiskafli var tæp 1.700 tonn og skelfiskafli rétt rúm 1.000 tonn.

Heildarafli á 12 mánaða tímabili frá nóvember 2018 til október 2019 var 1.070 þúsund tonn, sem er 15% minni afli en á sama tímabili ári áður.

Afli í október, metinn á föstu verðlagi, var 24,4% minni en í október 2018, að því er segir í frétt á vef Hagstofu Íslands.

• Blogga um frétt