Auknar heimildir til strandveiða

Aflaheimildir til strandveiða hafa verið auknar og eru nú 11.820 tonn á yfirstandandi fiskveiðiári. Með þessum aðgerðum tekst að framlengja strandveiðitímabilið, sem að óbreyttu hefði stöðvast í þessum mánuði. 

Kristján Þór Júlíusson, sjávarútvegs- og landbúnaðarráðherra, hefur undirritað reglugerð um auknar aflaheimildir til strandveiða. Samkvæmt frétt á heimasíðu Stjórnarráðsins hefur þeim bátum er stunda strandveiðar fjölgað mikið í sumar og allt útlit var fyrir að veiðar myndu stöðvast fyrir lok tímabils, sem samkvæmt lögum er út ágúst.

Úthlutun ráðherra byggir á lögum um stjórn fiskveiða en samkvæmt þeim er 5,3% af heildarafla í hverri fiskitegund dregið af leyfilegum heildarafla m.a. til að mæta áföllum, til stuðnings byggðarlögum og til strandveiða.

Áður hafði ráðherra úthlutað 11.100 tonnum, sem er sama magn og á síðasta fiskveiðiári. Með þessari aukaúthlutun hefur aflamark strandveiða aldrei verið meira frá því þær hófust árið 2009. 

• 1 blogg um fréttina

Bloggað um fréttina

• Eyjólfur Jónsson: Ef ráðherran gerir þetta á 1/2 tíma fresti ættu nú …