Samherji hefur beint kvörtun til nefndar um dómarastörf vegna vinnubragða Ingibjargar Þorsteinsdóttur héraðsdómara, en auk þess hefur fyrirtækið sent kvörtun til nefndar um eftirlit með lögreglu vegna Finns Þórs Vilhjálmssonar saksóknara.

Héraðsdómur Reykjavíkur úrskurðaði í desember að KPMG skyldi afhenda saksóknara endurskoðunargögn er varða Samherja. Í kjölfarið kærði Samherji úrskurðinn til Landsréttar sem segir í úrskurði sínum frá 28. janúar aðfinnsluvert að að héraðsdómur hafi komist að niðurstöðu án þess að hafa haft viðeigandi rannsóknargögn undir höndum.

Frétt af mbl.is

Saksóknari fær bókhald Samherja

„Þetta þýðir í reynd að dómarinn í málinu, Ingibjörg Þorsteinsdóttir héraðsdómari, hafði engin sönnunargögn til stuðnings kröfu héraðssaksóknara þegar hún kvað upp úrskurð sinn,“ segir í tilkynningu á vef Samherja.

„Sú staðreynd að Finnur Þór Vilhjálmsson, fulltrúi héraðssaksóknara, lagði ekki fram nein sönnunargögn, þegar krafa hans um afhendingu gagna var tekin fyrir hjá Héraðsdómi Reykjavíkur, en hélt því engu að síður fram gegn betri vitund að slík gögn lægju frammi, hlýtur jafnframt að gefa tilefni til viðbragða hjá ríkissaksóknara,“ segir í tilkynningunni.

Á þessum grundvelli hafi verið kvartað yfir dómaranum og saksóknara og kveðst Samherji telja „mikilvægt og brýnt að koma upplýsingum á framfæri við þessar nefndir, með þar til bærum leiðum, því heilindi dómstóla og ákæruvalds þurfa að vera hafin yfir vafa“.

Tengdar fréttir

Samherji í Namibíu

Kærur Þórðar Snæs og Aðalsteins endanlega felldar niður

• Fimm manns í tíu daga í Namibíu
• Aðstoða stjórnvöld í Namibíu
• Fimm manns frá héraðssaksóknara staddir í Namibíu
• Réttarhöldum í Samherjamálinu í Namibíu frestað

» Fleiri tengdar fréttir

• Blogga um frétt