Hollenska skipið dregið að landi

Björgunaraðgerðir vegna hollenska flutningaskipsins Eemslift Hendrika, sem fékk á sig slagsíðu í ósjó úti fyrir Ålesund í Noregi annan í páskum, stóðu í allan gærdag og í nótt og bárust þau tíðindi frá norsku landhelgisgæslunni um miðnætti í gærkvöldi að norskum tíma að aðgerðirnar gengju þokkalega.

Fyrr í gær hafði taugum verið komið á skipið og var þá tekið til við að draga það inn til Ålesund, með allri varkárni þó, þar sem enn er mikil slagsíða á skipinu sem fékk sjó ofan í lest og tók að hallast á stjórnborða eftir að farmur færðist til á þilfarinu í sjógangi.

Um borð í skipinu eru alls 400 tonn af olíu og er olíuhreinsunarteymi í Ålesund í viðbragðsstöðu verði skipið fyrir einhverju því hnjaski sem geti orðið til þess að olía leki í sjóinn.

Meðal farms Eemslift Hendrika var þjónustubáturinn AQS Tor sem er á leið til fyrirtækisins AQS í Þrándheimi en það festi nýverið kaup á bátnum fyrir 66 milljónir norskra króna, jafnvirði tæplega milljarðs íslenskra króna. Það sem líklega varð til þess að Hendrika lagðist ekki alveg á hliðina var að AQS Tor féll frá borði í fyrradag en lenti á réttum kili í sjónum og er nú einnig í togi á leið í land.

„Við þökkum fyrir að það er gott í sjóinn núna,“ sagði Einar Vik Arset, forstöðumaður norsku landhelgisgæslunnar, í samtali við ríkisútvarpið NRK í gærkvöldi.

Óttast strand

Eins og mbl.is greindi frá á mánudaginn var flogið með tólf manna áhöfn skipsins í land með björgunarþyrlum, fyrst átta manns og svo þá fjóra sem eftir voru sem hugðust freista þess að koma farminum í skorður en höfðu ekki erindi sem erfiði.

Arset landhelgisgæslustjóri sagði í gærkvöldi að áhöfn dráttarbátsins tæki eina mínútu í einu, hætta væri á Hendrika strandaði er nær drægi landi og náttmyrkrið bætti ekki úr skák.

Nils Roar Hareide, framkvæmdastjóri Runde miljøsenter, umhverfisrannsóknarstöðvar á eyjunni Runde á Suðurmæri, óttast alvarlegt umhverfisslys strandi Hendrika eða verði fyrir öðru hnjaski.

Mikil slagsíða er á Eemslift Hendrika og líklega bjargaði það …
Mikil slagsíða er á Eemslift Hendrika og líklega bjargaði það skipinu frá því að leggjast alveg á hliðina að þjónustubáturinn AQS Tor, sem það flutti meðal annars, féll fyrir borð í fyrradag. Ljósmynd/Norska landhelgisgæslan

„Rekist skipið í hafsbotninn og olían um borð lekur út yrði það mesta umhverfisslys sem orðið hefur við norskar strendur,“ sagði Hareide við NRK í gærkvöldi og rifjar upp strand málmflutningaskipsins Arisan skammt fra Runde aðfaranótt 12. janúar 1992. Skipið lá á strandstað í tvo mánuði þar til það brotnaði í tvennt 15. mars og sökk þangað niður sem það liggur enn á 30 metra dýpi, frístundaköfurum að leik, en þeir stunda mjög köfun niður að flakinu. Lak úr því töluverð olía á sínum tíma en mikið af henni barst frá landi og á haf út sem var mesta mildi.

Vonast er til að björgunaraðgerðinni vegna Eemslift Hendrika ljúki í dag eða í síðasta lagi á morgun.

NRK

VG

Dagbladet

Teknisk Ukeblad

Frá björgunaraðgerðunum í gær. Óttast er að skipið strandi í …
Frá björgunaraðgerðunum í gær. Óttast er að skipið strandi í togi á leið til lands og verði fyrir hnjaski en í því eru alls um 400 tonn af olíu. Ljósmynd/Norska landhelgisgæslan
mbl.is
Afurð Dags. Meðalverð
Þorskur, óslægður 13.4.21 293,34 kr/kg
Þorskur, slægður 12.4.21 368,56 kr/kg
Ýsa, óslægð 12.4.21 369,50 kr/kg
Ýsa, slægð 12.4.21 322,09 kr/kg
Ufsi, óslægður 12.4.21 147,55 kr/kg
Ufsi, slægður 12.4.21 168,87 kr/kg
Djúpkarfi 6.4.21 30,00 kr/kg
Gullkarfi 12.4.21 191,24 kr/kg
Litli karfi 5.3.21 10,00 kr/kg
Blálanga, óslægð 17.2.21 279,00 kr/kg

Fleiri tegundir »

13.4.21 Silfurborg SU-022 Dragnót
Skarkoli 3.883 kg
Sandkoli 350 kg
Steinbítur 327 kg
Þorskur 54 kg
Steinbítur 40 kg
Samtals 4.654 kg
13.4.21 Litli Tindur SU-508 Þorskfisknet
Þorskur 799 kg
Ýsa 100 kg
Samtals 899 kg
13.4.21 Halldór NS-302 Lína
Steinbítur 1.098 kg
Þorskur 251 kg
Ýsa 106 kg
Keila 6 kg
Samtals 1.461 kg
13.4.21 Hilmir ST-001 Grásleppunet
Grásleppa 10.231 kg
Þorskur 522 kg
Skarkoli 42 kg
Samtals 10.795 kg

Skoða allar landanir »

Afurð Dags. Meðalverð
Þorskur, óslægður 13.4.21 293,34 kr/kg
Þorskur, slægður 12.4.21 368,56 kr/kg
Ýsa, óslægð 12.4.21 369,50 kr/kg
Ýsa, slægð 12.4.21 322,09 kr/kg
Ufsi, óslægður 12.4.21 147,55 kr/kg
Ufsi, slægður 12.4.21 168,87 kr/kg
Djúpkarfi 6.4.21 30,00 kr/kg
Gullkarfi 12.4.21 191,24 kr/kg
Litli karfi 5.3.21 10,00 kr/kg
Blálanga, óslægð 17.2.21 279,00 kr/kg

Fleiri tegundir »

13.4.21 Silfurborg SU-022 Dragnót
Skarkoli 3.883 kg
Sandkoli 350 kg
Steinbítur 327 kg
Þorskur 54 kg
Steinbítur 40 kg
Samtals 4.654 kg
13.4.21 Litli Tindur SU-508 Þorskfisknet
Þorskur 799 kg
Ýsa 100 kg
Samtals 899 kg
13.4.21 Halldór NS-302 Lína
Steinbítur 1.098 kg
Þorskur 251 kg
Ýsa 106 kg
Keila 6 kg
Samtals 1.461 kg
13.4.21 Hilmir ST-001 Grásleppunet
Grásleppa 10.231 kg
Þorskur 522 kg
Skarkoli 42 kg
Samtals 10.795 kg

Skoða allar landanir »