Meinaður aðgangur að íslenskum höfnum
Setja bókamerki
Öllum skipum sem eru skráð undir fána Rússlands er nú óheimilaður aðgangur að íslenskum höfnum.
Þetta kemur fram í tilkynningu sem Samgöngustofa sendi út fyrir helgi og tók gildi föstudaginn 6. maí í samræmi við refsiaðgerðir ESB vegna innrásar Rússa í Úkraínu. Um breytingarreglugerð er að ræða þar sem hafnarbannið er innleitt.
Áður hafði Svandís Svavarsdóttir matvælaráðherra afturkallað undanþágu sem hafði verið í gildi fyrir rússneska togara til löndunar og umskipunar í íslenskum höfnum. Sú ákvörðun var ekki hluti af sameiginlegum refsiaðgerðum ESB.
Bannið snýr að farþega- og flutningaskipum yfir 500 brúttótonnum, skemmtiskipum, skemmtibátum, lystisnekkjum og fiskiskipum sem falla undir Marpol-samninginn. Slík skip hafa ákveðið stóra vél eða þurfa annars háttar mengunarvarnarskírteini, að því er kemur fram í svari Samgöngustofu við fyrirspurn mbl.is.
„Undanþágur eru veittar skv. alþjóðasamningum vegna neyðartilvika. Einnig t.d. vegna mannúðarsjónarmiða en þá þarf að sækja um heimild sem er á forræði utanríkisráðuneytisins að veita,“ segir í svarinu.
Fram kemur að Samgöngustofu er enn sem komið er ekki kunnugt um vísa hafi þurft rússneskum skipum frá landi.
Nemendur í HÍ reistu tjaldbúðir án leyfis
Rothissa á vinnubrögðum forystu BÍ
/frimg/1/48/74/1487454.jpg)
Heldur inn í nóttina tuttugu kílóum léttari
Mál hjúkrunarfræðingsins fer aftur fyrir héraðsdóm
Forsetinn líti yfir axlirnar á þingheimi
Skaut sex sinnum að feðginum á aðfangadagskvöld
Færri nota rafhlaupahjól eftir djammið