Rafræn skráning á veiði

Á komandi veiðisumri er gert ráð fyrir því að öll stang- og netaveiði á laxi og silungi hér á landi verði skráð rafrænt. Hafrannsóknastofnun hefur í samstarfi við Fiskistofu opnað aðgang fyrir rafræna skráningu á veiði og er hægt að nálgast skráningarform í gegnum vafra á slóðinni https://veidibok.hafogvatn.is/. Aðgangur að skráningakerfinu er gjaldfrjáls og verður hægt að framkvæma með nettengdum tölvum og snjalltækjum.

Í tilkynningu frá Hafrannsóknastofnun segir að með opnun rafrænnar skráningar verði hin hefðbundna skráning veiði í veiðibækur aflögð og verða veiðibækur því ekki sendar til veiðiréttarhafa í ár. Í undantekningartilfellum, þar sem rafrænni skráningu verði ekki viðkomið, sé hægt að óska eftir hefðbundnum veiðibókum til skráninga yfir veiðitíma, en veiðitölur verði síðan skráðar og skilað rafrænt.

Skráning veiði er lagaskylda en í lögum segir að gera skuli skýrslu um veiði í sérhverju veiðivatni og netlögum sjávarjarða og hvíli skylda til skýrslugjafar á handhafa veiðiréttar og sérhverjum þeim er veiði stundar. Hafrannsóknastofnun segir að skráning lax- og silungsveiði hér á landi byggist á formi veiðibóka sem að stofni til sé frá árinu 1946. Skráning laxveiði sé almennt góð og kannanir sýni að 98% laxveiðinnar eru skráð í veiðibækur. Silungsveiði hafi ekki verið eins vel skráð eða um 40% á landsvísu og sé þar til nokkurs að vinna. Vonast sé til að skráning silungsveiði muni batna með tilkomu rafrænnar skráningar.

Nánar um málið
í Morgunblaðinu

Áskrifendur:

Lesa blaðið hér

• Blogga um frétt

Nánar um málið
í Morgunblaðinu

Áskrifendur:

Lesa blaðið hér

Lestu meira með vikupassa!

Fáðu þér vikupassa fyrir 2.185 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »