Skipulagsstofnun telur afar brýnt að unnið verði ítarlegt mat á áhrifum grunnvatnsvinnslu og fyrirhugaðrar vatnstöku vegna áforma um 20.000 tonna landeldi Thors landeldis í Ölfusi. Veita á öllu frárennsli frá eldinu til sjávar og telur Skipulagsstofnun mikilvægt að í umhverfismatsskýrslu verði grunnástandi vatnshlotsins Stokkseyri að Þorlákshöfn lýst og áhrif framkvæmdarinnar metin og gerð verði grein fyrir vöktun og mögulegum mótvægisaðgerðum.

Þetta kemur fram í áliti Skipulagsstofnunar vegna landeldisstöðvar Thors í Ölfusi fyrir lax, bleikju og regnbogasilung en um er að ræða þriðju stóru landeldisáformin á litlu svæði við Þorlákshöfn. „Þessi áform eru án fordæma og engin reynsla er komin á rekstur landeldisstöðva af þessari stærðargráðu hérlendis,“ segir í áliti Skipulagsstofnunar.

Frétt af mbl.is

Þriðja stóra landeldisstöðin

Þar kemur m.a. fram að verði öll áform um fiskeldi við Þorlákshöfn að veruleika megi gera ráð fyrir að um 65.000 l/s af söltum jarðsjó og yfir 3.000 l/s af fersku vatni renni í fiskeldi á svæðinu. „Til að setja þessar tölur í samhengi má benda á að leyfi Vatnsveitu Kópavogs og Orkuveitu Reykjavíkur til grunnvatnsvinnslu í Vatnsendakrikum í Heiðmörk er samtals 650 l/s að jafnaði yfir árið,“ segir í álitinu.

Fjallað er um málið í Morgunblaðinu í dag.

Tengdar fréttir

Fiskeldi

Stöðvun gildistöku leyfis Arctic Fish hafnað

• Frumvarpið ekki til þess fallið að auka tekjur ríkissjóðs
• „Þetta er metnaðarfullt frumvarp“
• Beint: Lagareldisfrumvarpið kynnt
• Heldur kynningarfund um eldisfrumvarp

» Fleiri tengdar fréttir