Fulltrúar samstarfsaðilanna voru hér á landi í síðustu viku í tilefni af prófunum á kerfinu sem ætlað er að bæta upplýsingaflæði. „Prófanirnar gengu vonum framar og lausnin lofar svo sannarlega góðu,“ segir Snorre Greil, stýrimaður hjá Landhelgisgæslunni og sérfræðingur á aðgerðasviði, í Morgunblaðinu í dag.

Fulltrúar þeirra yfir 20 aðila sem koma að þróunarverkefninu voru hér á landi þegar prófanir fóru fram. Ljósmynd/Landhelgisgæslan

„Tilgangur verkefnisins er að útbúa nýstárlegt, öflugt, skilvirkt og notendavænt upplýsingaumhverfi þangað sem unnt er að deila gögnum og upplýsingum um skipaumferð og annað sem sjónum tengist,“ útskýrir Snorre.

Hann segir þær stafrænu þjónustur sem mynda umrætt upplýsingaumhverfi síðan sjá um að greina gögnin. „Sem dæmi, þá geta þær greint ísjaka út frá gervitunglamyndum og ef skip nálgast er hlutaðeigandi aðilum, sem jafnframt eru notendur umhverfisins, gert viðvart. Í ár hefur það gerst tvívegis að skip hafi siglt á ísjaka, suður af Grænlandi og í Grænlandssundi. Þjónustunni er ætlað að draga úr líkum á óhöppum sem þessum og auka öryggi sjófarenda.“

Nánar er fjallað um málið í Morgunblaðinu í dag.

Tengdar fréttir

Öryggi sjófarenda

Strand skemmtiferðaskips kallar á erlenda aðstoð

• Kalla þyrfti til erlent viðbragð
• Hafa þrjá mánuði til að bregðast við
• Siglingatækni Hefring í nýju björgunarskipin
• „Bjartsýnn á að allir leggist á eitt“

» Fleiri tengdar fréttir

Landhelgisgæslan

Annasamt hjá áhöfnum Landhelgisgæslunnar

• Eina tilboðið í slipptöku Freyju ógilt
• Bráðvantar bryta á Freyju
• Áhöfn Freyju boðið í skötu í Guðmundarbúð
• Varðskipið nötraði

» Fleiri tengdar fréttir