Vinkonur og fjölskylda Eddu Hermannsdóttur markaðsstjóra Íslandsbanka komu henni á óvart með steypiboði á sumardaginn fyrsta. Edda á von á barni með unnusta sínum, fyrrverandi knattspyrnukappanum Ríkharði Daðasyni.
Í veislunni voru meðal annars sjónvarpsstjarnan Ragnhildur Steinunn Jónsdóttir og tónlistarkonan Birgitta Haukdal. Systir Eddu, sjónvarpskokkurinn Eva Laufey Kjaran, bakaði einstaklega fallega bláa köku en Edda gengur með dreng.
Ríkharður og Edda hnutu hvort um annað árið 2017. Sumarið 2018 bað hann hennar í brúðkaupi Ragnhildar Steinunnar Jónsdóttur og Hauks Inga Guðnasonar sem fram fór á Ítalíu. Í desember í fyrra tilkynntu þau að von væri á barni en fyrir á Edda tvö börn og Ríkharður eina dóttur.