Alls fengu 48 nýfæddir drengir nafnið Aron á síðasta ári og var það því vinsælasta drengjanafnið. Andrea og Freyja voru vinsælustu eiginnöfn nýfæddra stúlkna. Þetta kemur fram í nýjum gögnum frá Þjóðskrá.
Næst vinsælasta drengjanafnið var Alexander en alls fengu 37 drengir það nafn. Þriðja vinsælasta var nafnið Emil en 32 drengir fengu það nafn.
Þriðja vinsælasta nafnið hjá stúlkum var nafnið Emilía en alls fengu 26 nýfæddar stúlkur það nafn. Litlu færri fengu nafnið Bríet eða 25 stúlkur.
Jón og Guðrún eru algengustu eiginnöfn karla og kvenna hér á Íslandi. Næst algengustu eiginnöfn karla eru Sigurður og Guðmundur. Næst algengustu eiginnöfn kvenna eru Anna og Kristín.
Vinsælustu eiginnöfn nýfæddra drengja 2020
Vinsælustu eiginnöfn nýfæddra stúlkna 2020