Söng- og leikkonan Leigh-Anne Pinnock gaf innsýn inn í fjölskyldulíf sitt á dögunum þegar hún birti mynd af sér á Instagram gefa tvíburum sínum brjóst.
Leigh-Anne Pinnock hefur hingað til ekki verið gjörn á að hleypa aðdáendum sínum inn í einkalífið og því vakti myndin mikla athygli. Brjóstagjöfin er heilagur tími fyrir Pinnock og tvíburana, enda einn mikilvægasti þátturinn í tengslamyndun á milli móður og barns.
„Mamma,“ skrifaði Pinncok einfaldlega við myndina. Myndin var á svarthvítu formi og fangaði dýrmætt augnablik þar sem Pinnock sést gefa börnunum að drekka úr sitthvoru brjóstinu.
Tvíburarnir fæddust í ágúst á síðasta ári og eru fyrstu börn foreldra sinna. Foreldrar þeirra, þau Pinnock og fótboltakappinn Andre Gray, hafa enn ekki greint opinberlega frá líffræðilegum kynum barna sinna né nöfnum þeirra.