Ólafur Ragnar Grímsson, fyrrverandi forseti Íslands, er staddur í Peking ásamt eiginkonu sinni, Dorrit Moussaief. Ólafur Ragnar tísti því að það væri orðið ansi jólalegt í Peking en sjálf ljóstraði Dorrit því upp hvar hún var stödd í heiminum þegar hún skildi eftir skilaboð á Instagram-síðu Katrínar Jakobsdóttur.
Ólafur Ragnar hefur verið duglegur að birta myndir af fallega skreyttum jólatrjám á Twitter-síðu sinni. Spyr hann hvort jólaskreytingarnar séu huti af hinu nýja Kína og veltir því fyrir sér hvort Maó formaður hefði orðið hissa á þessum miklu jólaskreytingum.
Wherever we go in #Bejing the coming of #Christmas is celebrated in grand style. Is this the new #China? pic.twitter.com/tkuTe4vt9J
— Ólafur Ragnar Grímsson (@ORGrimsson) December 5, 2019
Our hotel in #Bejing celebrates the coming of #Christmas in grand style. Chairman Mao would have been surprised! pic.twitter.com/4gE1yw4lwg
— Ólafur Ragnar Grímsson (@ORGrimsson) December 5, 2019
Dorrit hefur ekki verið jafndugleg að deila myndum af jólaskrauti í Peking á samfélagsmiðlum og eiginmaður hennar. „Ég er í Peking,“ skrifaði hún þó meðal annars í athugasemd við myndir frá Lundúnaferð Katrínar Jakobsdóttur forsætisráðherra í vikunni. Sagði hún að hún hefði heyrt að Katrín hefði verið frábær og það hefði verið leiðinlegt að missa af henni vegna þess hvar hún var stödd í heiminum.
View this post on InstagramA post shared by Katrín Jakobsdóttir (@katrinjakobsd) on Dec 4, 2019 at 10:33am PST