Leigumiðlunarvefsíðan Airbnb tilkynnti í gær nýtt verkefni sem snýr að því að bjóða heilbrigðisstarfsmönnum um allan heim frítt húsnæði á meðan kórónuveiruheimsfaraldurinn geisar.

Leigusalar sem auglýst hafa eignir sínar á Airbnb geta tekið þátt með því að skrá sig á vef Airbnb. Ef viðkomandi getur ekki leigt húsnæði sitt út án endurgjalds borgar Airbnb reikninginn. Leigusalar þurfa að fylgja ákveðnum viðmiðum við hreinlæti sem Airbnb hefur gefið út í samstarfi við heilbrigðisyfirvöld. 

Brian Chesky, einn af stofnendum Airbnb sagði í færslu á Twitter í gær að yfir 12 þúsund leigusalar hafi skráð sig nú þegar í verkefnið. 

Þetta er ekki í fyrsta skipti sem Airbnb ræðst í að bjóða húsnæði til þeirra í neyð en þau gerðu slíkt hið sama eftir fellibylinn Florence árið 2018.

Fyrirtæki í ferðamannaiðnaðinum hafa komið illa út úr veirunni, en fáir eru á ferðalagi um heiminn um þessar mundir. Miklar afbókanir hafa verið á hótelum, hostelum og gistiheimilinum víða um heim. 

Four Season hótelið á Manhattan í New York-borg  hefur einnig opnað dyr sínar fyrir heilbrigðisstarfsmönnum í New York og býður fría gistingu. 

Tengdar fréttir

Stöndum saman

Þetta gerir Þórólfur þegar útlitið er svart: „Búin að vera þung vika“

• Nettó veitir 44 milljónir króna til góðgerðarmála
• Partíréttirnir sem Siggi Gunnars mælir með fyrir kvöldið!
• „Kirkjan er opin og kemur til þín“
• 400 krakka hópdans í morgunsólinni

» Fleiri tengdar fréttir

• Blogga um frétt